சிஎஸ்ஆர் குறித்து

பெரும் பாதிப்பை ஏற்படுத்தியிருக்கும் கோவிட் - 19 தொற்றுக்கு எதிரான அரசின் முயற்சிகளுக்கு துணை நிற்கும் வகையில், கோவிட் - 19 நோயாளிகளுக்காக தற்காலிகஆக்சிஜன் ஆதரவு கொண்ட படுக்கை வசதிகளை கிரெடாய் சென்னை அமைப்பு நிறுவியது. சென்னையில், கீழ்பாக்க மருத்துவமனை, மருத்துவமனையில் 50 படுக்கைகள் மற்றும் தமிழ்நாடு அரசின் பன்முக சிறப்பு சிகிச்சைக்கான ஓமந்தூரார் மருத்துவமனையில் 150 படுக்கை வசதிகளும் ஆக்சிஜன் ஆதரவோடு அமைத்து தரப்பட்டன.

பெருநகர சென்னை மாநகராட்சியின் பயன்பாட்டிற்காக 20 ஆக்சிஜன் செறிவூட்டல் சாதனங்களை கிரெடாய் சென்னை அன்பளிப்பாக வழங்கியது. இச்சாதனங்களை வழங்கும் நிகழ்வில் மதிப்பிற்குரிய மத்திய சென்னை நாடாளுமன்ற உறுப்பினர் திரு. தயாநிதி மாறன், சட்டமன்ற உறுப்பினர் திரு. உதயநிதி ஸ்டாலின், இந்து அறநிலையத்துறை அமைச்சர் திரு. சேகர் பாபு மற்றும் சென்னை மாநகராட்சியின் ஆணையர் திரு. ககன்தீப் சிங் பேடி ஆகியோருடன் கிரெடாய் சென்னை அமைப்பின் நிர்வாகிகளும், உறுப்பினர்களும் பங்கேற்றனர்.

வடஇந்திய மாநிலங்களில் நிலவிய மருத்துவ ஆக்சிஜன் பற்றாக்குறை பிரச்சனையைப் போக்குவதற்காக 2021 மே 4 -ம் தேதியன்று, சென்னை பன்னாட்டு விமான நிலையத்திலிருந்து குருகிராம் – ல் உள்ள ஹிண்டான் விமானப்படை தளத்திற்கு ஆக்சிஜன் சிலிண்டர்கள், விமானம் மூலம் அனுப்பி வைக்கப்பட்டன. கிரெடாய் சென்னை அமைப்பின் முன்னாள் தலைவர் திரு. பிரகாஷ் செல்லா அவர்களது முன்முயற்சியினால், இந்த சாதனை நிகழ்வு 24 மணி நேரங்களுக்குள் வெற்றிகரமாக நிகழ்த்தப்பட்டது.

தாம்பரம், சாணடோரியம் காசநோய் மருத்துவமனையில் அமைந்துள்ள 7 பிளாக்குகளில், முதற்கட்டமாக 230 படுக்கைகளுக்கு நிரந்தரமான ஆக்சிஜன் குழாயமைப்பை நிறுவுவதற்கான செயல்திட்டத்திற்கு திரு. அஜித் குமார் சோர்டியா, திரு. எஸ். சத்திய நாராயணன் மற்றும் இன்னும் சில நல்ல உள்ளங்கள் தாராளமான பங்களிப்பை வழங்கியிருக்கின்றனர்.

2021 ஆம் ஆண்டின் மே மாதத்தில், கோவிட் தொற்று மற்றும் பொது முடக்கத்தால் அதிக பாதிப்பிற்கு ஆளான தொழிலாளர்களுக்கு உதவுவதற்காக 1200-க்கும் அதிகமான உணவுப்பொருட்கள் தொகுப்புகள் வழங்கப்பட்டன. விஷ்ராந்தி ஹோம்ஸ் – ன் நிர்வாக இயக்குனர் திரு. ராஜ்குமார் ரெட்டி மற்றும் திரு. ஹேமந்த் குமார் அவர்களால் நிறுவப்பட்டு நடைபெற்று வரும் ஶ்ரீசாய் ஹீலிங் டிரஸ்டின் ஆதரவோடு இந்த சீரிய செயல்திட்டம் மேற்கொள்ளப்பட்டது.

பெருநகர சென்னை மாநகராட்சியின் ஒத்துழைப்போடு, கோயம்பேடு பேருந்து முனையம், சென்ட்ரல் இரயில் நிலையம், மெரீனா கடற்கரை மற்றும் பெசன்ட் நகர் ஆகிய இடங்களில் கிரெடாய் சென்னை அமைப்பின் நிதி ஆதரவோடு முகக்கவசம் மீதான விழிப்புணர்வை பரப்பும் செயல்திட்டம் நடத்தப்பட்டது. கோவிட் தொற்றை தடுப்பதில் முகக்கவசத்தின் அத்தியாவசியம் இதில் வலியுறுத்தப்பட்டது.

சென்னை மாநகராட்சி மண்டலத்திற்கு உட்பட்டதொழிலாளர்களுக்கு கோவிட் தடுப்பூசி மருந்தை இலவசமாக செலுத்துவதற்கான முகாமை கிரெடாய் சென்னை மிகச் சிறப்பாக ஏற்பாடு செய்து நடத்தியது. இந்த முகாமில் 3000-க்கும் அதிகமான தொழிலாளர்களுக்கு கோவிட் தொற்றுக்கான தடுப்பூசி மருந்து போடப்பட்டது

• 13வது மண்டலமான அடையாரில் மளிகை சாமான்களின் தொகுப்புகளை 100 குடும்பங்களுக்கு நாங்கள் வழங்கியிருக்கிறோம்.
• புலம்பெயர்ந்த தொழிலாளர்களுக்கு கோவிட்-19 நிவாரண உதவி வழங்கப்பட்டுள்ளது.
• கோவிட்-19-க்கு எதிராகப் போரிட முதலமைச்சரின் பொது நிவாரண நிதி பங்களிப்பாக ரூ. 3 கோடிக்கான காசாலை, மாண்புமிகு துணை முதலமைச்சர் திரு. ஓ. பன்னீர்செல்வம் அவர்களிடம் வழங்கப்பட்டது.