சிஎஸ்ஆர் குறித்து

2021, பிப்ரவரி 6 ஆம் தேதியன்று, சென்னையில் கிரௌன் பிளாசாவில், மத்திய அரசின் இந்த ஆண்டுக்கான பட்ஜெட் தொடர்பாக நடத்தப்பட்ட பகுப்பாய்வு கூட்டத்தில் திரு. தருண் கியா, தலைவர் – நேரடி வரிகள் ஆணையம், ICAI மற்றும் திரு. ராஜேந்திர குமார் P, தலைவர் – ஜிஎஸ்டி & மறைமுக வரிகள் ஆகியோர் பங்கேற்று பட்ஜெட் குறித்த தெளிவான விளக்கத்தை வழங்கினர். இதில் பங்கேற்ற கிரெடாய் சென்னை உறுப்பினர்கள் இதன்மூலம் பயனுள்ள தகவல்களை அறிவதற்கான வாய்ப்பாக இது அமைந்தது.

2020 டிசம்பர் 29 ஆம் தேதியன்று சென்னை மாநகரில், கிண்டியில் அமைந்துள்ள தொழிலக பாதுகாப்பு மற்றும் ஆரோக்கியத்திற்கான இயக்கக அலுவலகத்தில் கிரெடாய் உறுப்பினர்களுக்காக பாதுகாப்பு விழிப்புணர்வு கருத்தரங்கு நிகழ்வு சிறப்பாக நடத்தப்பட்டது. BOCW – ன் இணை இயக்குனர் இதில் பங்கேற்று பாதுகாப்பு விதிகள் நெறிமுறைகள் பற்றிய பயனுள்ள கருத்துகளை பகிர்ந்துகொண்டார்.

கிரெடாய் உறுப்பினர்களது நிறுவனங்களில் பணியாற்றும் பணியாளர்களுக்காக, பிளம்பிங் (குழாய் அமைப்பு) குறித்த ஒருநாள் பயிலரங்கு திட்டம் வெற்றிகரமாக நடைபெற்றது. எஸ்ஆர்எம் ஈஸ்வரி பொறியியல் கல்லூரியால் கிரெடாய் உறுப்பினர்கள் இது குறித்த தங்களது அறிவை மேம்படுத்திக் கொள்வதற்காக இப்பயிலரங்கு நடத்தப்பட்டது. இதில் பங்கேற்றவர்களுக்கு சான்றிதழ்கள் வழங்கப்பட்டன.

பாதுகாப்பு மற்றும் உடல்நலம், பட்ஜெட்டுக்கு பிந்தைய பகுப்பாய்வு, RERA பயிலரங்கு மற்றும் இதுபோன்ற பல்வேறு தலைப்புகள் மீது பல பயிலரங்குகளை கிரெடாய் சென்னை அமைப்பு நடத்தியிருக்கிறது.